Астана қаласы әкімдігінің «Наз» мемлекетік би театры Абай Құнанбайұлының «Әзім әңгімесі» шығармасының желісі бойынша қойылған хореографиялық спектаклін ұсынады.
Бұл қойылым А.Құнабайұлының аяқталмай қалған шығармасы «Әзім әңгімесі» ертегісінің желісі негізінде сахналанып отыр. Хәкім Абай «Мың бір түн» әңгімесінің бір тарауын өлеңге айналдырады.
Спектакль оқиғасы былай өрбиді: «Әзімге кездескен жәдігөй шал тәрізді сұм-сұрқиялар ғалымдардың ашқан ғылыми жаңалықтарын өздерінің баю мүддесіне пайдалануы, ол үшін неше түрлі зымияндыққа барулары мүмкін. Жәдігөй шал – солардың бірі. Өмірінің ең қызығы, ең негізгі мақсаты тек баю ғана деп ұғынушылар қандай зұлымдық, іс-әрекеттерден де тайынбайды. Ездік те, қаныпезер қаражүректік те оларға бұйым емес. Поэмадағы алхимик жәдігөй шал өзінің зымияндық мақсатын орындау үшін Әзімді қолына алдап түсіреді де, тау басына, ысылдаған әпжылан, айдаһарлардың ішінде қалдырады. Бірақ, қойылым соңында олар кенеттен екі жаққа айрылысып кетеді».
Қоюшы хореографтар: С.Дүзбаев, А.Беглова, Ұ.Изенаев, М.Байбулова
Қоюшы-режиссер: Қ. Ағымбаева
Авторы: Е.Ағымбаев
Музыка авторы және музыкамен өңдеген: Қорғанбек Ержан
Киім дизайнері: Ақбота Тоқтасынова – «Дарын» мемлекеттік жастар сыйлығының иегері
Театрдың көркемдік жетекшісі: Қадиша Ағымбаева – Қазақстанның еңбек сіңірген қайраткері, бас балетмейстері
«Наз» мемлекеттік би театрының директоры – Е.Ағымбаев
Өтетін күні: 30.05.2026
Уақыты: 18:00
Мекен-жайы: Астана қаласы, Көктал-1 ш/а, Алмалық көшесі, 1
Байланыс номері: +77753512104;
