Астана қ. 01.04.2024 жыл
2024 жылғы 1 сәуірінде Астана қаласы әкімдігінің «Наз» мемлекеттік би театры» МКҚК-да (бұдан әрі-Театр) «сыбайлас жемқорлық тәуекелдерін ішкі талдау» тақырыбында дәріс өткізілді. Іс-шараға театр қызметкерлері қатысты. Бұл іс-шараны театр комплаен-менеджер Тәпен Мәди Олжасұлы өткізді.
Квазимемлекеттік ұйымдардағы сыбайлас жемқорлыққа қарсы іс-қимыл элементтерінің бірі сыбайлас жемқорлық тәуекелдеріне ішкі талдау жүргізу болып табылады. Дәріс барысында сыбайлас жемқорлық тәуекелдеріне ішкі талдау жүргізу ерекшеліктері түсіндірілді.
Сыбайлас жемқорлық тәуекелдеріне ішкі талдауды құрылымдық бөлімше, сыбайлас жемқорлық тәуекелдеріне ішкі талдау субъектісінің бірінші басшысы айқындайтын лауазымды адам (лауазымды адамдар) немесе оның шешімімен құрылатын жұмыс тобы жүргізеді.
Сыбайлас жемқорлық тәуекелдеріне ішкі талдау: 1) объективтілік; 2) шынайылық; 3) ашықтық; 4) жан-жақтылық қағидаттарында жүргізіледі.
ҚР азаматтары мен қоғамдық ұйымдардың талдау жүргізудің басталғаны туралы хабарлау кезінде тиісті ұйымға сұрау салу жолдай отырып, сыбайлас жемқорлық тәуекелдерін ішкі талдауға қатысуға құқығы бар.
Ескертулер анықталған немесе сыбайлас жемқорлық тәуекелдері анықталған кезде азаматтар сайтта көрсетілген байланыстар бойынша қызметшіге сыбайлас жемқорлық тәуекелдерін ішкі талдау шеңберінде осы аспектілерді қосу үшін комплаенске жүгіне алады. Тәуекелді растау кезінде ұйымның құзыреті шеңберінде осы тәуекелді жою мәселесі пысықталуға тиіс.
Сыбайлас жемқорлық тәуекелдерін ішкі талдау нәтижелері сыбайлас жемқорлық тәуекелдерін ішкі талдау субъектісінің интернет-ресурсында орналастырылады.
Сыбайлас жемқорлыққа қарсы іс-қимыл мәселелері бойынша белсенді азаматтық ұстанымның маңыздылығы атап өтілді
Жиналыс өткізді: Тәпен М. О.
2024 жылғы 29 ақпанда Астана қаласы әкімдігінің «Наз» мемлекеттік би театры» МКҚК-да (бұдан әрі-Театр) «Сыбайлас жемқорлыққа қарсы комплаенс қызметі» тақырыбында дәріс өткізілді. Іс шараға театр қызметкерлері мен орталықтандырылған кітапхана жүйесінің №3 кітапхана қызметкерлері қатысты. Бұл іс-шараны театр комплаен-менеджер Тәпен Мәди Олжасұлы өткізді.
Дәрістің басында комплаенс сөзінің жалпы анықтамасы берілді. Комплаенс қалыптасуының қысқаша тарихы айтылды. Комплаенс ағылшын тілінен аударылған. compliance-сәйкестік; to comply — сәйкестік етістігінен шыққан.
Комплаенстің қалыптасуына 1960-70 жылдардағы сыбайлас жемқорлық жанжалдары болды. Осы оқиғалардың нәтижесінде 1977 жылы АҚШ — тың «Шетелдегі сыбайлас жемқорлық практикасына қарсы күрес туралы» Заңы (FCPA-Foreign Corrupt Practices Act) қабылданды, ол қатаң бақылау ережелерін бекітті, бухгалтерлік және қаржылық құжаттамаға қойылатын талаптарды бекітті, мемлекеттік қызметшілермен өзара іс-қимыл ережелерін анықтады. Сыбайлас жемқорлықты бұзумен байланысты 1980 жылдардағы одан әрі жанжалдар комплаенс жүйесін дамытуды тек заңнамалық талаптарға сәйкестікке ғана емес, сонымен қатар бизнесті жүргізудің этикалық принциптерін сақтауға да бағыттады.
Комплаенс Бүкіләлемдік практикасы шеңберінде қызмет қаржы секторының мекемелеріне көбірек бағытталды және ішкі құжаттарды сыртқы реттеуші құжаттармен реттеумен айналысты.
Қазақстан Республикасында сыбайлас жемқорлыққа қарсы комплаенс қызметі «сыбайлас жемқорлыққа қарсы іс-қимыл туралы» Заңның негізінде әрекет етеді. Қосымша квазимемлекеттік сектор субъектілеріндегі комплаенс қызметі 2023 жылғы 31 наурыздағы «квазимемлекеттік сектор субъектілеріндегі сыбайлас жемқорлыққа қарсы комплаенс-қызметтер туралы Үлгілік ереже» негізінде әрекет етеді. Сыбайлас жемқорлыққа қарсы комплаенс қызметі бірінші кезекте квазимемлекеттік сектор субъектілерінде сыбайлас жемқорлық тәуекелдерін барынша азайту жөніндегі мақсаттарды көздейді.
Дәріс аясында квазимемлекеттік сектордағы комплаенс қызметінің ерекшеліктері түсіндірілді. Комплаенс қызметінің жария бөлігі белгіленді. Қазіргі уақытта азаматтардың квазимемлекеттік сектор субъектілерінде сыбайлас жемқорлық тәуекелдері анықталған кезде комплаенс қызметіне жүгінуге мүмкіндігі бар. Сыбайлас жемқорлық фактілері анықталған кезде Қазақстанның сыбайлас жемқорлыққа қарсы қызметіне жүгіну керек.
Квазимемлекеттік сектор субъектілерінде сыбайлас жемқорлық тәуекелдеріне ішкі талдау жүргізу кезінде азаматтардың жария талқылауға және ұсыныстар немесе ескертулер енгізуге қатысу мүмкіндігі бар екендігі атап өтілді.
2023 жылғы 14 желтоқсанда Астана қаласы әкімдігінің «Наз» мемлекеттік би театры» МКҚК-да (бұдан әрі-Театр) «Әкімшілік сыбайлас жемқорлық құқық бұзушылықтар» тақырыбында дәріс өткізілді. Іс-шараға театр қызметкерлері қатысты. Бұл іс-шараны театр комплаен-менеджер Тәпен Мәди Олжасұлы өткізді. Аталған дәрістер ҚР-да сыбайлас жемқорлыққа қарсы іс-қимыл бойынша қабылданған саясатты орындау шеңберінде өткізіледі.
2023 жылғы 25 қыркүйекте Астана қаласы әкімдігінің «Наз» мемлекеттік би театры» МКҚК-да «сыбайлас жемқорлыққа қарсы мәдениетті қалыптастырудағы отбасының рөлі» тақырыбында дәріс өткізілді.
Астана әкімдігінің «Наз» мемлекеттік би театры XXIV театр маусымын «АСЫЛ МҰРАМ – ҰЛТТЫҚ БИ» атты концерттік бағдарламамен ашады. Концертте театр репертуарындағы ең үздік билер орындалып, театр әншілерінің орындауында қайталанбас авторлық әндер шырқалады.
«Наз» мемлекеттік би театры» МКҚК-да 2023 жылғы 1 маусымнан бастап 30 маусымға дейін сыбайлас жемқорлық тәуекелдеріне ішкі талдау жүргізілді.
2023 жылдың 3 шілдесінен 13 шілдесіне дейін нәтижелерді көпшілік талқылау өткізілді.
Бүгін 2023 жылдың 10 шілде күні Астана қаласының мемлекеттік архивінің ұйымдастырумен Астана қаласы әкімдігінің «Наз» мемлекеттік би театрының іргетасын қалаушылар ҚР Мәдениет қайраткері Еркебұлан Ағымбаев пен театрдың көркемдік жетекшісі, Бас балетмейстер, Қазақстанның еңбек сіңірген қайраткері, «Құрмет» орденінің кавалері Қадиша Ағымбаеваның отбасылық архив қорын тапсыру іс-шарасы өтті.
«Наз» мемлекеттік би театры « МКҚК-да 2023 жылғы 1 маусымнан бастап 2023 жылғы 30 маусымға дейін сыбайлас жемқорлық тәуекелдеріне ішкі талдау жүргізілді.
Өтетін күні мен уақыты: 4 шілде 2023 жыл, 19:00
Өтетін орны: «Жастар» сарайы, Республика көшесі, 34;
Астана қаласының 25 жылдығына орай «Наз» мемлекеттік би театрының «Қазақ жәдігерлері» атты мерекелік концерті өтеді.
2023 жылдың 6 маусымында «Наз» мемлекеттік би театры» МКҚК-да «Сыбайлас жемқорлық туралы түсінік және оны жою әдістері. Лоббизм» тақырыбында дәріс өткізілді. Дәріс орталықтандырылған кітапхана жүйесінің №3 кітапханасында бірлесіп өткізілді. Іс-шараға Театр және кітапхана қызметкерлері қатысты. Дәрісті театр комплаен-менеджер Тәпен Мәди Олжасұлы өткізді.
Астана қаласының коммуникациялар қызметі алаңында «Наз» мемлекеттік би театрының қызметімен осы өнер ошағының директоры Еркебұлан Ағымбаев таныстырды.
2023 жылғы 30 мамырдан бастап, 2023 жылғы 30 маусымға дейін «Наз» мемлекеттік би театры» МКҚК (бұдан әрі – Театр) сыбайлас жемқорлық тәуекелдеріне ішкі талдау жүргізілетін болады.
– Балаңыз жыласа, смартфоныңызды бере саласыз ба?
– Балаңыз қарандашпен сурет салудан бұрын гаджетті үйренді ме?
– Психологтың көмегіне жүгіндіңіз бе?
– Балам өз замандастарынан қалмауы керек деп ойлағаныңыз рас па?
– Гаджеттер Сіздің өміріңізде маңызды роль атқара ма?
– Балаңызға өзіңіз армандағандай тәрбие бере алмай жүрсіз бе?
– Желілік ойындардың бала денсаулығына зиян келтіретініне көзіңіз жетті ме?
Құрметті көрермен!
Ұлт болашағына бей–жай қарамайтын болсаңыз, «Усана» қойылымын тамашалап, ақпараттық қолдау білдіріңіздер! Балалық шақ адам өміріндегі ең маңызды кезең. Бұл қойылымнан осы сұрақтарға жауап табасыз!
Спектакльдің қоюшы режиссерлері – Арман Баймағамбаев, Ұлан Изенаев, Сағит Дүзбаев
Либретто авторы – Сағаділдә Үсібәлі
Композиторы – Байдалы Рыспанбет
Естеріңізге сала кетейік, либретто авторы Сағаділдә Үсібәлі тұңғыш «Қазақ елі» анимациялық фильмінің сценарийін жазған, балалар тақырыбына қалам тартып жүрген қаламгер.
Өтетін күні: 17.02.2023
Уақыты: 15.00
Өтетін жері: «Наз» мемлекеттік би театрының ғимараты
Мекен-жайы: «Көктал-1» ш/а, Алмалық көшесі, 1;
Байланыс телефондары: +7 775 351 21 04.
2023 жылғы 27 қаңтарда «Наз» мемлекеттік би театры» МКҚК-да «Терминология мен мақсаттардағы, сыбайлас жемқорлыққа қарсы күрес шеңберіндегі проблемалар» тақырыбында дәріс өткізілді. Дәріс орталықтандырылған кітапхана жүйесінің №3 кітапханасында бірлесіп өткізілді. Іс-шараға Театр және кітапхана қызметкерлері қатысты. Дәрісті театр заңгері Тәпен Мәди Олжасұлы өткізді.
Нұр-Сұлтан қаласы әкімдігінің «Наз» мемлекеттік би театры 29 қазанда «Жиырма жылдық би ғұмыр» атты мерейтой концертін ұсынады. Концерт елордамыздың Жастар театры сахнасында өтеді.
«Наз» мемлекеттік би театры Қазақстандағы алғашқы кәсіби би театры. Нұр-сұлтан қаласындағы барлық мәдени-көпшілік және мерекелік іс-шараларға белсенді қатысады. Тарихқа шегініс жасасақ, 1999 жылдың 9 ақпанында Астана қаласы мемлекеттік филармониясы жанынан «Наз» халық би ансамблі құрылды. 2007 жылдың 1 наурызында қала әкімінің шешімі бойынша, Астана қаласы әкімдігінің «Наз» мемлекеттік би театры болып өз алдына шаңырақ көтерген болатын.Театрдың іргетасын қалаған кәсіби хореографтар Еркебұлан және Қадиша Ағымбаевтар.
Бұл концертте елорда тұрғындары қазақтың ұлттық билерін, әлем халықтарының билерін және хореографиялық спектакльдерден үзінділер көрсетеді. Сонымен қатар, «Би-сезімнің поэзиясы» атты жыр мүшәйрасын қорытындылап, жеңімпаздарды анықтайды.
Театрдың басты мақсаты-ұлттық фольклорды насихаттау және қазақтың ұлттық билерін дамыту.
ГККП государственный театр танца «Наз» акимата города Нур-Султан проводит юбилейный концерт «Жиырма жылдық би ғұмыр». Концерт состоится на сцене Жастар театра столицы.
Құрметті елорда тұрғындары мен қонақтары! Нұр-Сұлтан қаласы әкімдігінің «Наз» мемлекеттік би театры 25 қыркүйекте өтетін «ӨМІРДІ БИ ДЕП СҮЙ, ҚАЛҚАМ…» атты XII театр маусымының ашылуына шақырады!
Маусымашарда жаңа би қойылымдары, жаңа әндер, театрландырылған шағын қойылымдар көрермен назарына ұсынылады. Сұлу әуен, ғажайып костюмдер, оғлан ұлдар мен бұрымды қыздардың әсем қимылдары қоңыр күзде сіздерге мол әсер сыйлары анық. Маусымның ашылуы «БАЛАЛЫ ҮЙ БАЗАР» атты қайырымдылық мақсатпен өтеді. Сондықтан іс-шараға «Үміт» кризис орталығынан аналар мен балалар шақырылып отыр. Сонымен қатар, концертке Көктал шағын ауданынның тұрғындары, көп балалы, жалғыз басты аналар, және аз қамтылған отбасылар, колледж студенттері тегін кіретіндігін ескертеміз.
Іс-шараның негізгі мақсаты, театр маусымының ашылуына орай, қайырымдылық концертін қою арқылы, қала тұрғындарының, көп балалы аналардың көңілдеріне қуаныш сыйлау. Концерт Көктал-1 шағын ауданында орналасқан «Наз» мемлекеттік би театрының көрермен залында өтеді. Басталуы 14.00 де. Келіңіздер! Көріңіздер!
http://special.nur.kz/minzdrav-osms-2
Нұр-Сұлтан қаласының Мәдениет және спорт басқармасы мен Нұр-Сұлтан қаласы әкімдігінің Жастар театрының ұйымдастыруымен “Мәдениет саласының жетістіктері мен өзекті мәселелері сондай-ақ президенттік сайлау алды ұсыныстар” атты мәдениет және өнер қызметкерлер күніне орай дөңгелек үстел өтті.
Отырыста Нұр-Сұлтан қалалық мәдени мекемелер бас қосып мәдениет саласының өзекті мәселелері мен жетістіктеріне шолу жасалды. Әр мәдени ұжым басшылары сөз алып, мәдениет саласындағы жаңалықтарымен бөлісті.
Сонымен қатар, мерекелік құттықтау хаттар табыс етілді.
Нұр-Сұлтан қаласы әкімдігінің “Наз” мемлекеттік би театры ҚР Тұңғыш Президенті Н.Назарбаевтың «Рухани жаңғыру» бағдарламалық мақаласы аясында латын әліпбиіне көшу мәселесі бойынша кездесу өтті. Кездесуге сөз қадірін білетін, тіл маманы,ақын Бейбіт Оспан арнайы шақырылды.
ҚР Тұңғыш Президенті Н.Назарбаев “Жаңғыру атаулы бұрынғыдай тарихи тәжірибе мен ұлттық дәстүрлерге шекеден қарамауға тиіс. Керісінше, замана сынынан сүрінбей өткен озық дәстүрлерді табысты жаңғырудың маңызды алғышарттарына айналдыра білу қажет. Егер жаңғыру елдің ұлттық-рухани тамырынан нәр ала алмаса, ол адасуға бастайды” деді өз мақаласында.
Кездесуде Б.Оспан театр қызметкерлеріне “латын әліпбиіне көшу еліміз үшін өте маңызды және ол қай жағынан болса да тиімді” деді.
ҚР Тұңғыш Президенті Н.Назарбаевтың «Рухани жаңғыру» бағдарламалық мақаласы аясында және қайрымдылық мақсатында Нұр-Султан қаласы әкімдігінің «НАЗ» мемлекеттік би театры Аршалы кентіндегі ЕЦ-166/5 апаттық қауіпсіздік колониясында жазасын өтеушілерге «Самға қазағым!» атты концерттік бағдарламасын ұсынды.
Қазақ тарихының жаңа парағы ашылып, алтын әріптермен “НҰР-СҰЛТАН” қаласы деген жаңа атау енгізілді. Тәуелсіз Қазақстанның орталығының бұлай аталуы тегін емес. Сарыарқа төсінде бой көтерген жаңа Астана салу идеясы ҚР Тұңғыш Президенті Н.Ә.Назарбаевқа тиесілі. Алға қойған асыл армандар орындалып, жаңа Астана күн сайын дамып, әлем таныды. Дүниежүзі халықтарының, түркі дүниесінің басын біріктіретін үлкен саяси маңызды орталыққа айналды. Сондықтан, Елордамен бірге құрылып, бірге дамыған өнер ұжымы ретінде Отанымыздың жүрегін “НҰР-СҰЛТАН” деп аталғанымен құттықтаймыз! Еліміздің іргесі берік, сәбилеріміздің ұйқысы тыныш болсын!
2019 жылдың 19 наурызында мемлекет басшысы Нұрсұлтан Назарбаев өзінің өкілеттілігін тоқтататынын мәлімдеді. Бұл тарихи шешім болды. Егемендігін алған Қазақстан үшін ең маңызды тарихи оқиға – Сарыарқа төсіне елордамыз Астананың салынуы. Бұл ұлы іс түсінген жанға үлкен астары бар ұлы шешім. Отыз жыл мемлекет басқарып, қиын-қыстау заманда Қазақ елінің дара жолын қалыптастырған Ұлт көшбасшысына алғыс білдіреміз. Биылғы жылды «Жастар жылы» деп жариялап, елдің болашағын өскелең ұрпаққа аманат еткен Қазақстанның тұңғыш президенті Н.Назарбаевтың көрегенділігі деп білемін. Еліміз үшін ең басты құндылық ол – «Тәуелсіздік». Тәуелсіздігімізге қол жеткізгеннен кейін қазақ өнері де қарыштап дамып, ұлттық құндылықтарымыз ұлықталып, театр, кино, опера саласы да бұрын соңды жетпеген биіктерді бағындыра бастады. Қазақ биіне күмәнмен қарап, бұл өнерді жоққа балағандардың күмәнін сейілдіріп қазақ тарихында тұңғыш «Наз» мемлекеттік би театры құрылды. Осының барлығы Елбасының білгір саясаты мен үздік бағдарламаларының жемісі. Еліміздің барлық саласына құрылған арнайы бағдарламалар мен жобалар айнымас темірқазықтай жол көрсетіп тұрды. Қазақстанның тұңғыш президенті Н.Назарбаевтың шешімін құрметтеп, «Наз» мемлекттік би театрының атынан мың алғыс білдіреміз! Амандықта болыңыз!
Сегодня государственный театр танца ” Наз ” и публичная библиотека № 3 провели для школьников лекцию на тему: ” Торговля людьми-жестокое преступление”. Юрист театра Бауыржан Сатханов подробно объяснил тему и предоставил ребятам полезные информации.
Қазақстанда 2020 жылдың 1 қаңтарынан бастап міндетті медициналық сақтандыру жүйесі өз күшіне енеді. Сіз сақтандыру бойынша медициналық көмекті қалай алатынын және МӘМС жүйесіне қатысу үшін не істеу керек екенін білесіз бе? Онда fms.kz сайтына кіріңіз немесе 1414 нөміріне тегін қоңырау шалып, толығырақ біліңіз. Сондай-ақ, МӘМС жүйесі бойынша кеңес алу үшін өзіңіз тіркелген емханаға хабарласа аласыз.
Бүгін театрымызда “ЖИТС – ғасыр дерті” тақырыбында сапа жане науқас қауіпсіздігі менеджментінің жетекші маманы, дәрігер-эпидемолог Абдрахманова Майра Мақсотқызы келіп дәріс оқыды.
Әлемнің ғасыр дерітіне айналған бұл ауру туралы әр мекеме, оқу орындары алдын-алу мақсатында айтып, ескертіп отырған артықтық етпейді. Ең сұмдығы, бұл дертпен біздің Республикамыздың тұрғындары ауырып, жыл сайын олардың қатары көйіп отырғандығында. “Ол аурудың алдын алу үшін ҚР барлық шаралар қолға алынған. Және тегін қызмет көрсетіледі. Бірақ тұрғындардың жауапсыздығынан, өз құқығын білмегендіктен дер кезінде келіп, зертханаға қан өткізіп, өзінің денсаулығы туралы ақпарат алмағндықтан дерт өршіп тұр. Ал, дер кезінде келген адам көп қиындықтан құтылар еді” деді маман.
Театр қызметкерлері түрлі сұрақтар қойып, тұшымды жауап алды.
«Ынтымақты елдің ырысы мол»
Мемлекет басшысы Нұрсұлтан Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» 2018 жылғы 5 қазандағы жолдауы әрбір қазақстандықтың заман талабына сай өмір сүруге бағытталған айқын жол деп есептеймін. Елімізде жүргізіліп жатқан реформалар мен жобалардың барлығы мемлекетіміздің өркендеуі үшін маңызы зор. «Рухани жаңғыру» бағдарламасы Республика тұрындарының арасында жаппай қолдауға ие болып, қоғамға үлкен сілкініс жасады.
Бұл жолдауда алдымен халық табысының өсуі, тұрмыс сапасын арттыру, өмір сүруге жайлы орта қалыптастыру сынды маңызды қадамдар басты назарға алынған. Қазіргі уақытта жаһандық және жергілікті проблемалар бірігіп келіп, азаматтардың қоғамға деген дүниетанымын қайта қалыптастырып жатқандай. Жолдауда мемлекеттік органдар қызметінің барлық салаларын қамти отырып, қазақстандықтар үшін тұрғын үй, коммуналдық-шаруашылық, білім беру және денсаулық сақтау сияқты маңызды салалардың сапасын арттыру қажеттігіне ерекше назар аударылады.
Мысалы, еңбек нарығында жалпы білім алған адам емес, оның өз мамандығын жақсы меңгерген адам сұранысқа ие. Сонымен қатар, әр жылдары мамандардың біліктілігін арттырып отыру, ол сапалы еңбекке қол жеткізудің бірден-бір жолы.
Елімізге туристердің келуі және ішкі туризм мәселесі бойынша маңызды салалық бағдарламаны әзірлеу бойынша Үкімет алдына міндет қойылды. Бұл инфрақұрылымды дамыту және өз ісіне жауапты білікті мамандар даярлап, жаңа жұмыс орындарын құру мәселесі де орынды талап.
Президенттің жолдауында мектепке дейінгі білім беру сапасына және барлық деңгейде оқыту процесстеріне түбегейлі өзгерістер енгізу басты назарда.
Жоспарланған «Педагог мәртебесі туралы заң» қоғам үшін осы кәсіп иелерін ынталандыруға, оқушылар алдында мұғалім беделінің артуына бағытталған.
Сонымен қатар, халық арасында «Нұрлы жер», «Нұрлы жол», «7-20-25» және басқа да тұрмыс сапасын жақсартуға арналған бағдарламалар қолдау тауып, ел кәдесіне жарап жатыр.
Биылғы жылды Қазақстанда «Жастар жылы» деп жарияланды. Біз де өз саламыз бойынша жоғарғы оқу орнын тәмәмдаған жас таланттарды жұмыспен қамтамасыз етіп, өнерін қолдап отырған ұжымбыз. Жалпы «Наз» мемлекеттік би театрының 70 проценті жастардан құралған. Сондықтан жалынды жастарымызды рухани құндылықтарымызды дәріптеуге баулып,
отаншыл патриот болуға тәрбиелеп жатырмыз. «Жастар мен отбасы институтын кешенді қолдау мемлекеттік саясаттың басымдығына айналуға тиіс» деп елбасы айтқандай, жас буынның еңбек ете жүріп, отбасын құрып, баянды ғұмыр кешуіне жағдай жасауға талпыныстар мен қадамдар жасап жүрміз.
Бүгінгі таңда барша азаматтың алдында тұрған ең басты міндет – Президенттің Жолдауын халыққа түсіндіру және оның жүзеге асуына атсалысу. «Ынтымақты елдің ырысы мол» дейді халық даналығы. Ынтымақ пен бірліктің арқасында қазақ елі әлемге әйгілі ұлы мемлекеттердің біріне айналары сөзсіз. Соның айғағы – қазақстандықтардың жағдайын жақсартып, әл-ауқатын арттыруға бағытталған әлеуметтік өзгерістердің кешенді бағдарламасы.
«Наз» мемлекеттік би театрының директоры Сұлтан Сраилов
